Կրծքագեղձի ցավեր

Կրծքագեղձի ցավը կամ մաստալգիան կանանց շրջանում ամենահաճախ հանդիպող գանգատն է: Կանանց գրեթե 75% իր կյանքի ընթացքում գանգատվում է կրծքագեղձի տարբեր ինտենսիվության ցավերից: Սակայն նրանցից միայն 15-20% բուժման կարիք ունի: Ցավը կարող է լինել և՛ մեկ կրծքագեղձում, և՛ երկուսում միաժամանակ, անգամ՝ անութափոսերի (թևատակի) և ուսագոտու շրջաններում:

     Կրծքագեղձի ցավը հիմնականում լինում է երկու տեսակի՝ ցիկլիկ և ոչ ցիկլիկ, այսինքն՝ կապված դաշտանային ցիկլի հետ և դրանից անկախ:

     Կրծքագեղձում գոյացությունների կանխարգելման համար խորհուրդ է տրվում օգտագործել բիոակտիվ հավելումներ, որոնք կվերականգնեն հյուսվածքի զգայունությունը հորմոնների նկատմամբ և կհանդիսանան կանխարգելիչ միջոցներ: 

     Ցավը շատ հաճախ կանանց մոտ խուճապի պատճառ է դառնում, և նրանք հաճախ թյուրիմացաբար կապում են այդ ցավը կրծքագեղձի ենթադրյալ քաղցկեղի հետ: Եվ չնայած, որ ճնշող մեծամասնության դեպքում այդ ցավը կապված չէ քաղցկեղի հետ, լինում են դեպքեր, երբ ցավն ուղեկցում է քաղցկեղը, ուստի լիովին հանգիստ լինելու համար անհրաժեշտ է դիմել բժշկի:

     Երբեմն կրծքագեղձում ցավերը բնավ կապ չունեն բուն կրծքի հետ, այլ կարող են կապված լինել կրծքավանդակի կամ ողնաշարի շրջանում ցավերի հետ:

Այնուամենայնիվ, ինչպե՞ս մեղմել կրծքագեղձի հատվածում ցավերը.

     Փոխե՛ք Ձեր կրծկալը: Անհարմարավետ կամ ոչ Ձեր կրծքի չափերի կրծկալը նույնպես կարող է ցավեր առաջացնել: Պետք է հիշել, որ կրծքերը ժամանակի ընթացքում փոխում են իրենց ձևը, հետևաբար՝ հին կրծկալը կարող է այլևս հարմար չլինել:

• Եթե ցավը շատ ուժեղ է, կարող եք ցավազրկողներ խմել:
• Տաք և սառը կոմպրեսները ևս կօգնեն մեղմել ցավը:
• Սահմանափակեք ալկոհոլը և կոֆեինը, հետևեք քիչ ճարպեր պարունակող սննդակարգի:

Եղեք առողջ և իրազեկ!!!