Շուրթերի խնամք

Խնամված և առողջ շուրթերը կնոջ գրավչության բաղկացուցիչ մասն են կազմում։

     Կախված եղանակային պայմաններից, արտաքին ու ներքին գործոններից վերջիններս սկսում են չորանալ ու ճաքճքել։

     Ինչու՞ են շուրթերը չորանում: Շուրթերի վրա առաջինն են երևում օրգանիզմում տեղի ունեցող նեգատիվ փոփոխությունները։

     Ավիտամինոզը կամ վիտամինների պակասը առաջինը նկատվում է շուրթերի չորությամբ։

     Երկաթի պակասի կամ սակավարյունության դեպքում շուրթերը սփրթնում են, ճաքճքում, իսկ բերանի անկյունները սպիտակում են։

     Ո՞ր արտաքին գործոններն են ազդում շուրթերի վրա` սթրես, քնի խանգարում, անկանոն գրաֆիկ, եղանակային պայմաններ: Տարիք, ալկոհոլ, ծխախոտ, նյարդային վիճակ, երբ կծում և վնասում են շուրթերը, սխալ ընտրված կոսմետիկ միջոցներ: Դեմքի այդ հատվածի համար հարկավոր է յուրաքանչյուր օր կանոնավոր կերպով կատարել որոշ կոսմետիկ ընթացակարգեր, օրինակ` օրական երկու անգամ ցանկալի է սովորական փափուկ ատամի խոզանակով մերսել շուրթերը, որոնց մերսման տևողությունը պետք է լինի մեկ րոպեից ոչ պակաս: Դա կօգնի լավացնել արյան շրջանառությունը և պահպանել շուրթերի բնական գույնը: Ամեն օր, երեկոյան քնելուց առաջ ցանկալի է շուրթերին քսել սնուցող քսուք` միաժամանակ դրանք մերսելով: Շուրթերին ձգվածություն և փափկություն հաղորդելու համար կարելի է քսել վարունգի քամած հյութ կամ պարզապես վարունգի շերտ դնել և մի քիչ պահել:

Եղեք առողջ և իրազեկ!!!