Ինչ է փսորիազը....

Փսորիազ.....

Փսորիազը քրոնիկ, աուտոիմուն մաշկային հիվանդություն է, պայմանավորված իմունային համակարգի սխալ աշխատանքով: Արտահայտվում է մաշկի վրա` կարմիր, մաշկից բարձր, արծաթավուն կամ սպիտակ թեփ ունեցող, տարբեր տեսակի ցանային էլեմենտներով: Որպես կանոն, հիվանդությունը տարածվում և արտահայտվում է արմունկներին, ծնկներին, գլխի մազածածկույթի շրջանում, ափերին, սրունքներին, աճուկային ծալքերում: Փսորիազը վարակիչ չէ, բայց հիվանդին բավականին տհաճություն է պատճառում և վատացնում նրա կյանքի որակը: Ցանավորումները կարող են միաձուլվել՝ առաջացնելով մեծ օջախներ, այսպես կոչված փսորիատիկ վահանիկներ:

Նորմայում մաշկի բջիջները նորացվում են անընդհատ և սովորաբար դա տևում է  մոտավորապես 3-4 շաբաթ, բայց փսորիազով հիվանդ մարդկանց մոտ այդ պրոցեսը տևում է ընդհամենը 3-7 օր, որի հետևանքով է մաշկի վրա առաջանում են կարմրավուն, թեփոտվող օջախներ:  

• Հիվանդության փուլից կախված՝ ախտանշանները պակասում կամ ավելի են արտահայտվում:
• Պրոգրեսիվող ձևի ժամանակ քորը ինտենսիվ է, մաշկային էլեմենտները՝ շատ:
• Ստացիոնար ձևի դեպքում, որպես օրենք, նոր ցանավորում չկա, հներն էլ չեն պրոգրեսիվում: 
• Ռեգրեսիվ ձևի դեպքում օջախները հիպերպիգմենտացված են, նրանց շուրջն առաջանում է ատրոֆիկ երիզ:

Երբեմն մաշկի քրոնիկ ախտահարումը կարող է առաջացնել փսորիատիկ արթրիտի զարգացում:

Փսորիազի առաջացման պատճառն անհայտ է, այն իմունային համակարգի խանգարման հետևանք է, այնուամենայնիվ որոշակի գործոններ կարող են նպաստել դրա զարգացմանը՝ 

ժառանգականություն

Սթրես

Վնասվածքներ

Ալկոհոլի չարաշահում

Ծխելը

Հորմոնալ տեղաշարժեր

Որոշ դեղորայք

Փսորիազը չունի վերջնական բուժում. Որոշակի դեղորայք՝ տեղային և համակարգային, խիստ դիետաները օգնում են հետնահանջ ունենալ և հսկողության տակ պահել հիվանդությունը: 

Եղեք առողջ և տեղեկացված!!!